އެޕަލް ވޮޗްގެ ވޯކްއައުޓް މޯޑާއި ހާޓް ރޭޓް ނޮޓިފިކޭޝަން ފީޗާސް އިން މަސީމޯގެ ޕޭޓެންޓް ހައްގުތަކާ ހިލާފު ކަމަށް ޖޫރީން މަސީމޯއާ އެއްބަސްވި ކަމަށް މަސީމޯގެ ތަރުޖަމާނަކު ވަނީ ކަށަވަރުކޮށްދީފަ އެވެ.
"ފާއިތުވި ހަ އަހަރު ތެރޭގައި (މަސީމޯ ވަނީ) އެޕަލްގެ މައްޗަށް އެތައް ކޯޓެއްގައި ދައުވާކޮށް 25 އަށް ވުރެ ގިނަ ޕޭޓެންޓް ސާބިތުކޮށްދީފައި ކަމަށާއި އޭގެ ތެރެއިން ގިނަ ޕޭޓެންޓްތަކަކީ ބާތިލް ޕޭޓެންޓްތަކެއް ކަމަށް ފާހަގަކޮށްފައި ވަނީ،" ތަރުޖަމާނު ވިދާޅުވި އެވެ. "މި މައްސަލައިގައި އެއް ޕޭޓެންޓްގެ މުއްދަތު ހަމަވީ 2022 ވަނަ އަހަރު، އަދި މީގެ ދިހަވަރަކަށް އަހަރު ކުރިން ފެށިގެން ތާރީހީ ޕޭޝަންޓް މޮނިޓަރިން ޓެކްނޮލޮޖީއަށް ހާއްސަ ޕޭޓެންޓެއް."
މަސީމޯ ނެރުނު ބަޔާނެއްގައި ވަނީ މި ހުކުމަކީ "އަހަރެމެންގެ އާ އުފެއްދުންތަކާއި ފިކުރީ މުދާ ހިމާޔަތް ކުރުމަށް މިހާރު ކުރަމުންދާ މަސައްކަތުގައި ލިބުނު ބޮޑު ކާމިޔާބީއެއް" ކަމަށް ވިދާޅުވެފަ އެވެ.
ކެލިފޯނިއާގެ ދައުވާއަކީ އެޕަލް އާއި ކެލިފޯނިއާގެ އިރްވައިން އާއި ދެމެދު ހިނގި ޕޭޓެންޓް މާރާމާރީއެއްގެ އެއް ގޮފި އެވެ.
މި މައްސަލައިގެ ސަބަބުން އެމެރިކާގެ ޓްރޭޑް ޓްރައިބިއުނަލަކުން އެޕަލްގެ ސީރީޒް 9 އަދި އަލްޓްރާ 2 ސްމާޓްވޮޗް އިމްޕޯޓް ކުރުން ހުއްޓުވީ އެޕަލްގެ ޓެކްނޮލޮޖީން މަސީމޯގެ ޕޭޓެންޓްތަކާ ހިލާފުވާކަން އެނގުމުންނެވެ.
އެޕަލް އިން ވަނީ މަނާކުރުމުން ސަލާމަތްވުމަށް ގަޑިތަކުން ބްލަޑް އޮކްސިޖަން ރީޑިން ޓެކްނޮލޮޖީ ނަގައި، އެމެރިކާގެ ކަސްޓަމްސް އެންޑް ބޯޑާ ޕްރޮޓެކްޝަންގެ ހުއްދައާ އެކު އޮގަސްޓް މަހު އެ ޓެކްނޮލޮޖީގެ އަޕްޑޭޓް ވާޝަނެއް އަލުން ތައާރަފްކޮށްފަ އެވެ.
އައިޓީސީން ވަކިން ހުކުރު ދުވަހު ނިންމާފައި ވަނީ އެޕަލްގެ އަޕްޑޭޓް ކޮށްފައިވާ ގަޑިތައް މަނާކުރަން ޖެހޭތޯ ކަނޑައެޅުމަށް އާ ޝަރީއަތެއް ބާއްވަން ކަމަށެވެ.
އެ ނިންމުމާ ގުޅިގެން މަސީމޯ ވަނީ ކަސްޓަމްސްއާ ދެކޮޅަށް މިހާރު ކުރިއަށްދާ ދައުވާއެއް އުފުލާފައެވެ. އެޕަލް އިން ވަނީ ފެޑެރަލް އިސްތިއުނާފު ކޯޓެއްގައި އިމްޕޯޓް މަނާކުރުމަށް ވަކިވަކިން ގޮންޖަހާފައެވެ.
އެޕަލްއާ ދެކޮޅަށް މަސީމޯގެ ޓްރޭޑް ސިއްރު މައްސަލައިގައި ކެލިފޯނިއާގެ ގާޒީއަކު ވަނީ 2023 ވަނަ އަހަރު ޖޫރީންގެ އިއްތިފާގުން ހުކުމަކަށް ނުދެވުމުން މިސްޓްރިއަލް އިއުލާންކޮށްފަ އެވެ. މަސީމޯގެ ސްމާޓްވޮޗްތަކުން އެޕަލްގެ ޑިޒައިންގެ ދެ ޕޭޓެންޓަކާ ހިލާފުވާ ކަމަށް ތުހުމަތު ކުރެވިގެން މިދިޔަ އަހަރު ޑެލަވޭއާގައި މަސީމޯއާ ދެކޮޅަށް އެންމެ ކުޑަމިނުން 250 ޑޮލަރުގެ ހުކުމެއް އެޕަލް އިން ކާމިޔާބުކުރި އެވެ.
